ازاي تعمل سقف معلق جبس بورد علي الخرسانة مباشرة من غير محارة ولا مصيص

ينفع تعمل سقف معلق جبس بورد علي الخرسانة مباشرة من غير محارة ولا مصيص ؟وهل هو عملي وممكن تعمل اي اشكال جبس بورد؟                                الاجابة:                                                 نعم ينفع ويبقي في غاية الجمال والشياكه  طيب ده يتعمل ازاي  بس الاول  لازم تعمل محارة  للحوائط  وتبدا تشوف سقوطك من السقف كام يعني لو  السقف 4امتار ممكن يكون السقوط 1متر او 50 او 40ولو الشقه 3امتار يكون السقوط 30سم 15للسقف الفلات و15للاشكال الا هتتعمل  تحت السقف  وتبدا تشوف اقل سقوط للخرسانه وتاخذ 15وتبدا تحقق المقاس علي جميع جوانب الغرفة وبعد كده اضرب خيط علام وابدا بتثبيت زوايا صاج علي شكل حرف L

بمسامير 35وفشر بلاستك 6

ونيجي لتاني مرحلة وهي انك تبدا تقسم السقف مربعات 80×80 وتبدا تخرم بالهلتي ببنطه 8 وتضع الاكمون

ثم   التيش ال 6ملي

وطوله علي حسب ارتفاع السقف من الحرسانة الي الزوايا وازود 5سم يعني مثلا لو القيمة بين السقف الي الزوايا 15سم ازود 5عليه ليصبح التيش طوله 20سم واضع بكل تيش 2صامولة وعصفورة وبعد كده ابدا بوضع السي تشنل

واقوم بتثبيت الاوميجا

علي ابعاد 60سم واقوم بوزن السقف واي تيش طويل اقوم بقطعه وبعد كده ارفع الجبس بورد واثبته بمسامير 25 وبعد تثبيت الجبس

اعمل الاشكال  مثل بيوت نور دورانات قلوب وردات اي شكل من اشكال الجبس بورد وفي الاخر اقوم بعمل المعجون ميتال وفيبر واقوم بتفتيح اسبوتات السقف ودهانه وبكده نكون عملنا سقف جبس بورد انضف واحسن واوفر من المحارة والمصيص وخاماته وممكن بثمن الاسمنت والرملة ومصنعية المحارة والمصيص اجيب بثمنهم جبس بورد واعمل بيتك او شقتك خفيف علي السقف واشيك وممكن تضع اضاءه وتضع فوقه كل اسلاك الكهرباء واسلاك التلفون